லிங்க கட்டு

வணக்கம்

குழுவில் உள்ள அனைத்து சொந்தங்களுக்கும் இதயம் கனிந்த தீபாவளி நல் வாழ்த்துக்கள்.
தீபாவளி பரிசாக ஓர் அநுபவ பாஷாண கட்டுமுறை.

இலிங்க கட்டு
============
இலிங்கம்.              36 கிராம்
துருசு சுண்ணம்.   180 கிராம்
வெடியுப்பு சுண்ணம் 252 கிராம்.

பொருத்தமான இரண்டு அகல்களை எடுத்து வாய்பகுதியை தேய்த்து இடைவெளியின்றி பொருந்த செய்யவும்.தண்ணீர் விட்டு நீற்றிய கல்சுண்ணாம்பு சம அளவு சோற்றுப்பு இரண்டையும் நீர்விட்டு அரைத்து இரண்டு அகலின் உள்புறத்தில் ஒரு அங்குல கணம் பூசி காயவைக்கவும்.வெடிப்புகள் ஏற்படின் மறுபடி சிறிது பூசி காயவைக்கவும்.பிறகு ஒரு அகலில் வெடியுப்பு சுண்ணம் 126 கிராம் இட்டு அதன்மீது துருசு சுண்ணம் 90 கிராம் இட்டு அதன்மீது இலிங்க கட்டி 36 கிராம் வைத்து மேலே துருசு சுண்ணம் 90 கிராம் இட்டு அதன்மேல் வெடியுப்பு சுண்ணம் 126 கிராம் இட்டு சுண்ணாம்பு உப்பு பூசி காயவைக்கப்பட்ட மேலகல் மூடி ஏழு சீலைமண் செய்து நன்கு காயவைத்து 100 கிராம் எடையுள்ள 25 எருவில் புடமிட உருகி கட்டும்.இதே போல அனைத்து பாஷானங்களையும் கட்டலாம்.

வெடியுப்பு சுண்ணம்
==================
ஒருகிலோ வெடியுப்பிற்கு மூன்றுகிலோ விஷ்ணு கரந்தை சமூலத்தை உருக்கி கிராசமிட்டு சுண்ணமாக்கி கசிவு இருப்பின் பொறித்த படிகாரம் கால்கிலோ அளவு வெடியுப்பு உருகிய நிலையில்  சேர்த்து  கிளறி வறண்டவுன் ஆறவைத்து பொடித்துக்கொள்ளவும்...

துருசு சுண்ணம்
==============
தேவையான துருசை வெண்மையாக வருத்து எடுத்து வேலிப்பருத்தி நல்வேளை இரண்டின் சமூல சாற்றால் இரண்டு மணிநேரம் அரைத்து வில்லைதட்டி ஈரமின்றி காயவைத்து மறுபடியும் பொடித்து குப்பைமேனி சாற்றால் ஒருமணிநேரம் அறைத்து வில்லை தட்டி நன்கு காயவைத்து அகலிலிட்டு சீலைமண் வலுவாக செய்து 100 கிராம் எடையுள்ள 25 வரட்டியில் புட மிட சுண்ணம்.

இந்த கட்டுமுறை மருத்துவத்திற்கு மிக அருமையாக உள்ளது.வாத முறைகளில் அவரவர் நல்வாய்ப்பை முயற்சியில் பெற்றிட வேண்டுகிறேன்.

குறிப்பு

திண்டுக்கல் தனசேகர் ஐயாவின் வெள்ளை பாஷான கட்டுமுறையின் மேம்படுத்தப்பட்ட முறையே இது......நன்றி.

சேலம் மகேந்திரன் அவர்கள் தந்து உதவிய கோவை ஜீ.டி.நாயுடு அவர்களின் குறிப்புகளை கொண்டும் எனது அநுபவத்தை கொண்டும் இம்முறை உருவாக்கப்பட்டது.
உலகம் உய்ய இம்முறைகளை தந்து உதவிய ஈசன் முதலான நவகோடி சித்தர்களுக்கும் நன்றிபாராட்டி முன்னவர்களை வணங்கியும் இளையோரை வாழ்த்தியும் மகிழ்கிறேன்......நன்றி

வா.மனோகரன், SMF, +91 98427 41067
சங்ககிரி
கற்ப முப்பு இரசவாத ஆய்வாளர்.

Comments

  1. UnknownMarch 28, 2019 at 12:03 AM

    ரசம் கட்டவில்லை..
    விராலிசாறு எடுக்கும் துருசுசுண்ணம் செய்முறைகூறவும்...

    ReplyDelete

Post a Comment

Popular posts from this blog

வெங்கார பற்பம்

வெங்கார பற்பம் அல்லது வெண்கார பற்பம் (அனுபவ முறை) வெங்காரம் - தேவையான அளவு முள்ளங்கி சாறு - தேவையான அளவு சுத்தமான வெங்காரத்தை வெள்ளை முள்ளங்கி சாறு மூழ்கும் அளவு ஊற்றி ஓரிடத்தில் வைத்து விடவும். அது தானாக வேதி வினை புரிந்து பற்பமாகும். வெங்காரம் புடமிடாமலே பற்பமாகும். அடுத்த நாள் அந்த முள்ளங்கி சாறு கலந்த வெங்காரம் அப்படியே கடாயில் முள்ளங்கி சாறு சுண்டும் வரை எரித்து வறுத்து பிறகு நெகிழ அரைத்து பத்திரப் படுத்தவும். அளவு : 200 மில்லி முதல் 400 மில்லி வரை அனுபானம் : இளநீர், வெந்நீர், முள்ளங்கி சாறு, வெண்ணை, நெய் பயன்கள் : வெள்ளை, பித்த நோய்கள், நீர்க்கட்டு, நீரடைப்பு, சதையடைப்பு, நீர் எரிவு, பெருவயறு, கரப்பான், இருமல், நீர் ஏற்றம், மூலகடுப்பு, கல்லடைப்பு, தொண்டை கம்மல் போன்ற பல நோய்கள் தீரும் ... பெருவயிறுக்கு : வாழை தண்டு சாறு - 30 மில்லி ஆமானகெண்ணெய் - 30 மில்லி இந்த வெங்கார பற்பம் - 1/2 முதல் 1 கிராம் வரை ஒன்றாக கலந்து கொடுக்க நன்றாக பேதி ஆகும், நீரும் தாராளமாக பிரிந்து பெருவயிறு தீரும் . . . நோயாளிக்கு தகுந்த அளவுகளை கூட்டியும், குறைத்தும் மருந்தை கொடுப்பது மருத்...
Read more

படிகார பற்பம் (அனுபவ முறை)

படிகார பற்பம் (அனுபவ முறை) படிகாரம் – ½ கிலோ இளநீர்  – 2 லிட்டர் யானை நெரிஞ்சில் – தேவையான அளவு முதலில் படிகாரத்தை மழை தண்ணீரில் கரைத்து ஒரு முரட்டு துணியில்  வடிகட்டி கொதிக்கவைத்து உறையும் பக்குவத்தில் இறக்கி வைத்துக் கொள்ளவும். அடுத்த நாள் பார்க்க சுத்தமான படிகாரம் கிடைக்கும். இளநீரில் யானை நெரிஞ்சிளை போட்டு துழவிக் கொண்டு வர அந்த இளநீர்  குழகுழப்பகவும் மாறும்(இது வைத்தியர்கள் அறிந்ததே). அதை அப்படியே படிகாரத்தை கடாயிலிட்டு அதில் இந்த இளநீரை விட்டு கொதிக்க வைத்து சாறு சுண்டிய உடன் மேலும் எரிக்க படிகாரம் பற்பமாகும். இந்த படிகாரத்தை ஒன்று ரெண்டாக உடைத்து கடாயில் நன்றாக வறுத்து மீண்டும் நெகிழ அரைத்து பத்திரப் படுத்தவும். அளவு : 100 மில்லி கிராம் முதல் 3௦௦ மில்லி கிராம் வரை அனுபானம் : மோர், பால், வெண்ணை, நெய், வாழை பூ சாறு, நீர்முள்ளி கசாயம், முள்ளங்கி சாறு, நெரிஞ்சில் கசாயம், இளநீர்  மேலும் பல ...   பயன்கள் : வெள்ளை, வெட்டை, குன்மம், சிறுநீரில் ரத்தம் வருதல், பித்த மயக்கம், உடல் எரிச்சல், நீர்க்கட்டு, நீர் கடுப்பு, சதையடைப்பு, பெரும்பாடு, பித்த நோய்...
Read more

லிங்க செந்தூரம்

வணக்கம்                   லிங்க செந்தூரம் 36 கிராம் லிங்கம் எலுமிச்சம்பழச் சாறு 600 மில்லி வெள்ளை வெங்காயச் சாறு 600 மில்ல சுத்திசெய்த சேராங்கொட்டை 432 கிராம் பசுவின் நெய் 432 கிராம் திறமான தேன் 432 கிராம் செய்முறை லிங்கத்தை எலுமிச்சம்பழச்சாற்றில் கிழி கட்டி சிறு தீயாக எரித்து எடுத்துக்கொள்ளவும் சாறு முழுவதும் சுண்டி இருக்க வேண்டும். அதேபோல் வெள்ளை வெங்காயச் சாற்றிலும்  எடுத்துக் கொள்ளவும். சேராங்கொட்டை மைபோல் இடித்து அதனுடன் நெய்யையும் தேனையும் கலந்து இரும்பு சட்டியில் விட்டு அதில் மேற்சொன்ன லிங்கத்தை போட்டு சிறு தீயாக எரித்து முடிவில் சுண்டியவுடன் தீப்பிடித்து எரிந்து அடங்கிகிவிடும். ஆறிய பின்பு லிங்கத்தை எடுத்து நன்கு அரைத்து வைத்துக் கொள்ளவும். இது ஒரு அருமையான லிங்க செந்தூரம் ஆகும். அளவு:  ஒன்று முதல் இரண்டு குண்டுமணி அளவு தீரும் நோய்கள்:  தலை மூளை இருதயம் ஈரல் மண்ணீரல் முதலியவை பலப்பட்டு தாது வளமை தேகதிடம் மனோதிடம் முதலானவை அதிகமாகி நல்ல தேக ஆரோக்கியத்தை கொடுக்கும். குழந்தையின்மைக்கான லேகியங்களில் அனுபா...
Read more